നിന്നോടെനിക്കുള്ള പ്രണയം (Doctor Love)

October 16, 2011 എഴുതിക്കൂട്ടിയവൻ NiKHiS
Musician    Vinu Thomas    വിനു തോമസ്‌
Lyricist(s)    Sarath Vayalar    ശരത്‌ വയലാര്‍
Year    2011
Singer(s)    Riya Raju


______________________________________________

നിന്നോടെനിക്കുള്ള പ്രണയം ചൊല്ലുവാൻ
ഞാൻ കാത്തിരുന്ന ദിനം (2)
പ്രണയം പറഞ്ഞിടാൻ വയ്യാതെ നിന്നെ ഞാൻ
പ്രണയിക്കുമീ സുദിനം
നിന്നെ പ്രണയിക്കുമീ സുദിനം
നിന്നോടെനിക്കുള്ള പ്രണയം
പ്രണയം...പ്രണയം

അരികിൽ വീണ്ടും വിടരാൻ നമ്മൾ
ശലഭങ്ങളാകുന്ന സുദിനം (2)
പറയാനേറേ പറയാതെ മൗനം
അരികെ അണയും നിമിഷങ്ങൾ
കള്ളനും കള്ളിയും കടമിഴിയാലോരോ
കഥ പറയും സുദിനം
കളമെഴുതും സുദിനം
നിന്നോടെനിക്കുള്ള പ്രണയം
പ്രണയം...പ്രണയം

അഴകുള്ള കൗമാരം കനവിന്റെ താലത്തിൽ
നിറമേഴുമാടുന്ന സുദിനം (2)
കരളിൽ നീളേ നുര പോലെ മോഹം
വിടരും പടരും കുളിരോടേ
വിങ്ങുമീ സന്ധ്യയിൽ പിരിയുവാനാകാതെ
വിരഹിതമായ് മൗനം
വിട പറയുന്ന ദിനം
(നിന്നോടെനിക്കുള്ള .....)

Reactions: 

പ്രേമിക്കുമ്പോൾ (Salt N Pepper)

എഴുതിക്കൂട്ടിയവൻ NiKHiS

Musician    Bijibal    ബിജിബാല്‍
Lyricist(s)    Rafeeq Ahamed    റഫീക്ക്‌ അഹമ്മദ്‌
Year    2011
Singer(s)    P Jayachandran,Neha Nair


__________________________________________________


പ്രേമിക്കുമ്പോൾ നീയും ഞാനും നീരിൽ വീഴും പൂക്കൾ
ഓളങ്ങൾ തൻ ഏതോ തേരിൽ
പകലറിയാതിരവറിയാതൊഴുകുകയല്ലോ അലയുകയല്ലോ

പ്രണയമേ നീ മുഴുവനായി മധുരിതമെങ്കിലും
എരിയുവതെന്തേ സിരയിലാകേ പരവശമിങ്ങനെ
ഒരു മലരിതളാൽ മലർവനി തീർക്കും വിരഹനിലാവായ്
മരുവും തീർക്കും പ്രേമം
(പ്രേമിക്കുമ്പോൾ നീയും ഞാനും...)

ഹൃദയമേ നീ ചഷകമായി നുരയുവതെന്തിനോ
ശലഭമായ് ഞാൻ തിരിയിൽ വീഴാൻ
ഇടയുവതെന്തിനോ
നിഴലുകൾ ചായും സന്ധ്യയിലാണോ
പുലരിയാലാണോ ആദ്യം കണ്ടു നമ്മൾ
(പ്രേമിക്കുമ്പോൾ നീയും ഞാനും...)

Reactions: 

കണ്ണോടു കണ്ണോരം (വീരപുത്രന്‍ )

എഴുതിക്കൂട്ടിയവൻ NiKHiS
Musician    Ramesh Narayan    രമേഷ് നാരായണ്‍
Lyricist(s)    Rafeeq Ahamed    റഫീക്ക്‌ അഹമ്മദ്‌
Year    2011
Singer(s)    Shreya Ghoshal    ശ്രേയ ഘോഷല്‍


_________________________________________

കണ്ണോടു കണ്ണോരം നോക്കിയിരുന്നാലും
കണ്ണോടു കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും..
കണ്ണിനും കണ്ണായൊരുൾക്കണ്ണിൻ തുമ്പത്ത്
കണ്ണിനും കണ്ണായൊരുൾക്കണ്ണിൻ തുമ്പത്ത്
കണ്ണീര്‍ക്കിനാവായ് തുളുമ്പിനില്ക്കും...
കണ്ണോടു കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും...

എന്റെ കൊലുസ്സിന്റെ ശിഞ്ജിതമൊന്നും നീ
കേട്ടതില്ലാ.. ഒന്നും കേട്ടതില്ലാ.. (എന്റെ കൊലുസ്സിന്റെ.. )
എന്‍ മുടിച്ചാര്‍ത്തിലെ പിച്ചകപ്പൂമണം
തൊട്ടതില്ലാ.. നിന്നെ തൊട്ടതില്ലാ..
ആരോരും കേൾക്കാത്തൊരുള്ളിലെ പ്രാവിന്റെ
വെമ്പലറിഞ്ഞു നീ ഓടിവന്നു...

കണ്ണോടു കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും...

എന്തോ മറന്നുപോയ്‌ എന്നപോലെപ്പോഴും
തേടി വന്നു.. ഞാന്‍ തേടി വന്നു.. (എന്തോ മറന്നുപോയ്‌.. )
വെൺമണൽക്കാട്ടിലും വൻകടല്‍ തന്നിലും
ഞാന്‍ തിരഞ്ഞു.. നിന്നെ ഞാന്‍ തിരഞ്ഞു..
നിന്‍ വിരിമാറത്ത് ചായുന്ന നേരത്ത്
എന്നിലെ എന്നെ ഞാന്‍ തിരിച്ചറിഞ്ഞു...

ഓ.. കണ്ണോടു കണ്ണോരം നോക്കിയിരുന്നാലും
കണ്ണോടു കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും..
കണ്ണിനും കണ്ണായൊരുൾക്കണ്ണിൻ തുമ്പത്ത്
കണ്ണിനും കണ്ണായൊരുൾക്കണ്ണിൻ തുമ്പത്ത്
കണ്ണീര്‍ക്കിനാവായ് തുളുമ്പിനില്ക്കും...
കണ്ണോടു കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും...

Reactions: 

പകലൊന്നു (നീലത്താമര )

എഴുതിക്കൂട്ടിയവൻ NiKHiS
Musician    Vidyasagar    വിദ്യാസാഗര്‍
Lyricist(s)    Sarath Vayalar    ശരത്‌ വയലാര്‍
Singer(s)    Balram,Vijay Prakash    ബല്‍റാം,വിജയ് പ്രകാശ്


________________________________








പകലൊന്നു മാഞ്ഞ വീഥിയിലെ കുഞ്ഞു താമരെ
പുകമഞ്ഞു മേയും ഓര്‍മയുമായ് തേടി ആരെ നീ
വിളറും നീലിമ പോല്‍ ഇനിയോ നീ തനിയെ
ഇരുളിന്‍ പൊയ്കയിലെ നൊമ്പരമായ് മാറുന്നോ

പകലൊന്നു മാഞ്ഞ വീഥിയിലെ കുഞ്ഞു താമരെ
പുകമഞ്ഞു മേയും ഓര്‍മയുമായ് തേടി ആരെ നീ

ഇളവെയില്‍ ഉമ്മ തരും
പുലരികള്‍ ഇന്നകളെ
പരിഭവമോടെ വരും
രജനികള്‍ എന്നരികെ

ഒറ്റയ്കാകുമ്പോള്‍ മുറ്റത്തെതുമ്പോള്‍ നെഞ്ചം പിടഞ്ഞു
വരണ്ട ചുണ്ടിലെതോ മുറിഞ്ഞ ഗാനമെന്നോ
വരുന്നതോര്‍ത്ത്‌ കൊണ്ടേ തിരിഞ്ഞു നോക്കിയെന്നോ
മുള്ളോന്നു കൊണ്ട് പോറി നിന്‍റെ ഉള്ളം നോവില്‍ നീറുന്നോ

പകലൊന്നു മാഞ്ഞ വീഥിയിലെ കുഞ്ഞു താമരെ
സുഖമൊരു തീക്കനലായ്
എരിയുകയാണ് യിരില്‍
സ്വരമൊരു വേദനയായ്
കുതിരുകയാണ് ഇതളില്‍

എന്നിട്ടും നീയോ ലാളിക്കുന്നെന്നോ വിണ്ണിന്‍ മിഴിയെ
പിരിഞ്ഞു പോയ നാളില്‍
കരിഞ്ഞു നിന്‍റെ മോഹം
കരഞ്ഞു തീരുവാനോ
വിരിഞ്ഞ നിന്‍റെ ജന്മം
സ്വപ്നങ്ങളന്നും ഇന്നും ഒന്നുപോലെ താനേ പൊള്ളുന്നോ

പകലൊന്നു മാഞ്ഞ വീഥിയിലെ കുഞ്ഞു താമരെ
പുകമഞ്ഞു മേയും ഓര്‍മയുമായ് തേടിയാരെ നീ.....

Reactions: